Wednesday, February 27, 2008

Panata't Pag-ibig


Tulad ng mga ibon, originally uploaded by yosibreak.

Panata't Pag-ibig

Ang ating pagsinta’y wala sa kalawakan
Ako ay di araw, ikaw ay di ang buwan
Ang ating pag-ibig wala sa alapaap
Di sa himpapawid at mga ulap


Sa gitna ng agam-agam
Sa piling ng pangangamba
Kakambal ng kasaysayan
Itong ating pagsinta
Ang pagsubok at panganib
Sa panahon na ligalig
Ang siyang magpapanday sa ating
Panata’t pag-ibig

Ikaw ay apoy at ako ay hangin
Alab at lamig sa liwanag at dilim
Tayo’y mga punong matayog ang pangarap
Ngunit sa lupa’y laging nakaugat

O, pawis at dugo
Ang magpapalago
Sa ating pagsuyo

Ako ay lupa at ikaw ay dagat
Ang alon mo’t ugma sagana ko’t salat
Tayo’y mga ilog, sa pakikibaka galing
At ang magbubuklod pakikibaka rin

O, sa paglalakbay
Sana tayo ay
Tatandang sabay

Sa gitna ng katanungan
Kung wasto at kung mali
Laging may maaasahan
Laging may katunggali
Ang mga tula at himig
Ng minimithi nating daigdig
Ang siyang magpapanday sa ating
Panata’t pag-ibig

(Gary Granada)